Tagiartuineq katsorsaariaatsimut tunngassuteqarpoq, tassani katsorsaanermik suliaqartartoq teknikkinik assigiinngitsunik atuisarpoq, soorlu nukinni sukattoornerit qasukkartinniarlugit toortaanerit, tagiartuinerit aamma naqittaanerit, aap kaaviarneranik pitsaanerulersitsiniaanerit aamma stressernermik annikillisaaneq. Tagiartuinermi ajornartorsiutaasut aalajangersimasut sulissutigineqarsinnaapput imaluunniit nalinginnaasumik qasukkartitsinissamut periuseq atorneqarsinnaavoq ilorrisimaartutullu misiginerit annertusarlugu.

Tagiartuineq timimik sungiusaanermut osteopatimullu tapertaasutut amerlasuutigut atorneqartarpoq, timikkulli eqqarsartaatsikkullu qasukkarnissamut immikkut periutsitut atorneqarsinnaalluni kiisalu timikkut ajoqusernernik sukattoornernillu katsorsaanermik siuarsaataasinnaalluni.