Ilukkut quullu aqqutaasigut misissortinneq aamma katsorsartinneq

Uro- gynobs fysioterapeut (ilukkut quullu aqqutaasigut tunngasunik timimik sungiusaasoq) ilukkut kuutsikkullu tunngasunik tamanik immikkut ittumik timikkut sungiusaasutut ilinniarsimasuuvoq. Ilukkut nukiit immikkut ilisimasaqarfigaagut, quussamik nunusinnaajunnaarneq (piumassuserinngisamik quisoortarneq), anarnissamik ajornartorsiuteqarneq/anarsinnaannginneq, naartunermut atatillugu unamminartorsiornerit, erninerup kingorna akornutit, ilukkut nakkartoornermit iluaalliuutit, ilukkut oqimaatsumik misiginerit anniarnerillu.

Ilukkut quullu aqqutaasigut misissuinerni katsorsaanernilu ajornartorsiut qulaajarniarlugit sukumiisumik oqaloqatiginninnerit, kiisalu, akuersissuteqartoqarpat, ilukkut kuutsikkut misissuinerit, erlukkut naalungiarsuup aqqutaatigulluunniit, misissuinerit aallaaviujuaannarput.